Qazaqstanda sý resýrstarynyń magıstraldy jáne taratý ınfraqurylymdaryn basqarý boıynsha 2 ulttyq kompanııa qurylady

Bul týraly búgin Úkimet otyrysynda Sý resýrstaryn basqarý jónindegi memlekettik baǵdarlamanyń jobasyn tanystyrǵan Qorshaǵan ortany qorǵaý jáne sý resýrstary mınıstri Nurlan Qapparov aıtty.

«Baǵdarlama magıstraldy jáne taratý ınfraqurylymdaryn basqarý boıynsha 2 ulttyq kompanııa qurýdy usynady. Jańa basqarýdyń júıesi boıynsha memlekettik sý saıasatyn anyqtaý jáne transshekaralyq kelissózdermen mınıstrlik aınalysyp, al komıtet baqylaý-ınspektsııalyq qyzmetterdi atqaratyn bolady», - dedi mınıstr.

Onyń atap ótýinshe, ulttyq kompanııalar respýblıkalyq deńgeıdegi sý sharýashylyǵy nysandaryn, sondaı-aq turǵyn úı-kommýnaldyq sharýashylyǵy salasyndaǵy óńirlik taratý jelilerin salyp, basqarýmen aınalysatyn bolady.