Qazaqstanda Sý resýrstaryn basqarý jónindegi granttyq baǵdarlama iske qosyldy
Bul týraly búgin elordada ótken brıfıngte BUU Damý baǵdarlamasy Energetıka jáne qorshaǵan ortany qorǵaý departamentiniń basshysy Stanıslav Kım málim etti.
«Baǵdarlamaǵa qandaı da bir eldi mekenderdi sýmen jabdyqtaý maqsaty qoıylyp otyrǵan joq. Bul Qazaqstandyq qoǵamdyq uıymdary, aýyldyq qoǵamdastyqtar arasyndaǵy granttyq baıqaý bolmaq. Olar ótinim berip, bir jobaǵa 150 myń dollarǵa deıin qarjy ala alady. Bul qandaı da bir eldi meken bolýy da múmkin. ıAǵnı, sýmen jabdyqtaý júıesin qalpyna keltirý, qubyryn tartý sııaqty máselelerdi qamtıdy. Buǵan qosa, bilim berý jobalaryna da qarjy beriledi. Munyń barlyǵy da konkýrs arqyly sheshiledi. Jaqsy ıdeıalar bolsa, jobalar sany da arta túsedi», - dedi ol.
Sonymen qatar osy baspasóz máslıhatyna qatysqan Coca-Cola kompanııasynyń úkimettik jáne qoǵamdyq baılanys jónindegi menedjeri Oleg Pıletskıı atalǵan baǵdarlama aıasynda Almaty jáne Aqmola oblystarynyń eldi mekenderinde aýyz sý berý júıesin qalpyna keltirýge baǵyttalǵan jobanyń júzege asyrylyp jatqanyn aıtty.
