Qazaqstanda Sý resýrstary problemalary jóninde ǵylymı-taldaý ortalyǵy qurylady

NUR-SULTAN. QazAqparat – Sý salasynda qabyldanatyn sheshimderdiń ǵylymı negizdemesin qamtamasyz etý qajet. Bul týraly QR Ekologııa, geologııa jáne tabıǵı resýrstar mınıstrligi Sý resýrstary komıteti tóraǵasynyń orynbasary Dosbol Bekmaǵambetov aıtty, dep habarlaıdy QazAqparat tilshisi.

«Ol úshin Qazaq Sý sharýashylyǵy ǵylymı-zertteý ınstıtýty bazasynda Sý resýrstary jáne sý sharýashylyǵy problemalary jónindegi ǵylymı-taldaý ortalyǵy qurylatyn bolady», - dedi Dosbol Bekmaǵambetov Ortalyq kommýnıkatsııalar qyzmetinde aıtty.

Mamannyń aıtýynsha, atalǵan sharalardy qabyldaý elimizdiń sý salasynyń jaǵdaıyn edáýir jaqsartýǵa jáne Qazaqstannyń sý qaýipsizdigine tónetin qaýip-qaterlerge daıyndyǵyn qamtamasyz etýge múmkindik beredi.

Buǵan deıin Dosbol Bekmaǵambetov Sý resýrstary komıtetiniń shtat sanyn kóbeıtýdi usynǵan edi.

Sondaı-aq, Qazaqstanda jańa Sý kodeksi ázirlenip jatyr.