Qazaqstanda sý qoımalaryna 127,7 mln shabaq jiberildi
«Memlekettik tapsyrys sheńberinde balyq ósirý kásiporyndary 2017 jyly 127,7 mln dana qundy balyqtardyń shabaqtaryn ósirip, balyq sharýashylyǵy sý aıdyndaryna jiberdi», - delingen habarlamada.
Mınıstrliktiń málimetinshe, Atyraý bekire balyq ósirý zaýyty - 3,5 mln dana bekirtuqymdas, Jaıyq-Atyraý bekire balyq ósirý zaýyty - 3,5 mln dana bekirtuqymdas, Qamystybas balyq pıtomnıgi - 15,22 mln dana tuqy, aq amýr jáne dóńmańdaıdyń birjazǵy jáne ekijyldyq shabaqtaryn, Qapshaǵaı ýyldyryq shashý-ósirý sharýashylyǵy - 8,4 mln dana tuqy, aq amýr jáne dóńmańdaıdyń birjazǵy shabaqtaryn, Petropavl balyq pıtomnıgi 54,4 mln dana aqsaha dernásili jáne tuqy dernásili men birjazǵy shabaqtaryn jibergen.
Budan basqa, jekelegen memlekettik kásiporyndardyń jekeshelendirilýine baılanysty 2017 jyly básekelestik ortada ornalastyryldy. Aıtalyq, konkýrstyq irikteýdiń qorytyndysy boıynsha jeke menshik balyq ósirý kásiporyndary 42,7 mln dana qundy balyq túrleriniń shabaqtaryn ósirip, tabıǵı meken etý ortasyna jiberdi.
AShM habarlaýynsha, Aqmola, Almaty, Shyǵys Qazaqstan, Qaraǵandy, Soltústik Qazaqstan jáne Ońtústik Qazaqstan oblystarynyń sý aıdyndaryn balyqtandyrý boıynsha 2018 jylǵa arnalǵan memlekettik tapsyrys jarııalanǵan. Balyqtandyrý kólemi jalpy quny 225 115 myń teńgeniń 45 mln dana qundy balyq túrleriniń shabaqtary (aqsaha dernásilderi, tuqy, aq amýr jáne dóńmańdaı balyqtarynyń birjazǵy shabaqtary).
