Qazaqstanda sý basý qaýpi týǵan aımaqtardan 11 myńnan astam adam kóshirildi
ASTANA. QazAqparat - Qazaqstanda sý basý qaýpi týyndaǵan aımaqtardan on bir myńnan astam adam kóshirildi. Bul týraly búgin Astanada ótken baspasóz máslıhaty barysynda Іshki ister mınıstriniń orynbasary Vladımır Bojko málim etti.
Mınıstr orynbasarynyń aıtýynsha, «Qagıdromet» mekemesiniń aqpandaǵy boljamyna sáıkes, Aqmola, Qaraǵandy, Soltústik Qazaqstan jáne Qostanaı oblystarynda topyraqtyń kúzgi ylǵaly, ózenderdegi qar sýynyń qorlary qalypty normadan otyz, qyryq paıyzǵa asyp ketken. Soǵan oraı, Іshki ister mınıstriniń «Sel júrý qaýpine qarsy daıyndyq týraly» buıryǵyna sáıkes, ІІM jedel den qoıý bólimshelerine qarasty 8561 adam, 1255 birlik tehnıka, 9 tikushaq pen 211 birlik júzý quraldary shuǵyl daıyndyqqa keltirilgen.
Al naýryz aıynyń 23 - 24 kúnderi Qaraǵandy oblysy Shet aýdanynyń Bosaǵa bógetiniń buzylý qaýpi týyndaǵan. Osyǵan baılanysty Іshki ister mınıstrliginiń áskerı bólimi 24 naýryzda bógettiń jarylý qaýpiniń aldyn aldy.
«Sý basý qaýpi týyndaǵan eldi mekenderde jurtshylyqtyń qurban bolýyna jol bermeý maqsatynda 11172 adam qaýipsiz aımaqtarǵa kóshirildi. Budan bólek, sý basqan aımaqtardaǵy úı shatyrlarynan 25 adam qutqaryldy», - dedi V. Bojko.
Onyń sózine qaraǵanda, qaýipsiz aımaqtarǵa kóshirilgen jáne qutqarylǵan adamdar ýaqytsha ornalasý pýnktterine jáne týystardyń úılerine jaıǵastyrylǵan. Kóshirilgen 11 myńnan astam adamnyń 1265 adamy búgingi kúni úılerine qaıta oralsa, 9907 adam áli de ýaqytsha pýnktterinde qalyp otyr.
Sonymen qatar, sý basý qaýpi týǵan eldi mekenderden 36 myń bas maldar da aıdap áketilgen. Sý basý qaýpi týyndaǵan kezden beri Іshki ister mınıstrligi men jergilikti bılik organdary 12 shaqyrymdy quraıtyn ýaqytsha bógetter turǵyzyp, 140,6 myń tekshemetr sýdy basqa arnaǵa aǵyzǵan.
