Qazaqstanda stýdenttik sportqa jetkilikti kóńil bólinip otyrǵan joq - Vıtse-premer
ASTANA. QazAqparat - Qazaqstanda stýdenttik sportqa jetkilikti kóńil bólinip otyrǵan joq. Búgin QR Sport jáne dene shynyqtyrý isteri agenttiniń alqa májilisinde QR Úkimet basshysynyń orynbasary Gúlshara Ábdiqalyqova osylaı dedi.
«Qazirgi ýaqytqa deıin stýdentitk sportty damytýǵa jetkilikti kóńil aýdarylyp otyrǵan joq. Damyǵan sheteldik memleketterde dál osy ýnıversıtettik sport esebinen kásibı klýbtar men ulttyq komandalar jasaqtalady», - dedi G.Ábdiqalyqova. Onyń atap ótýinshe, ýnıversıtettik sportty damytýdaǵy kemshilikter elimizdiń ulttyq qurama komandasy úshin sporttyq rezerv daıyndaýǵa teris áser etýde. «Osyǵan oraı agenttikkke QR Bilim jáne ǵylymı mınıstrligimen, jergilikti atqarýshy organdarmen birlesip, mektep sportyn damytý, tehnıkalyq, kásibı jáne joǵary bilim berý uıymdarynda stýdenttik sporttyq sektsııalar, klýbtar jelisin keńeıtý máselelerin qarastyrý qajet», - dedi vıtse-premer.
