Qazaqstanda stýdentterge arnalǵan 15 jataqhana salynady
ASTANA. QazAqparat - Elimizde aldaǵy 2 jylda stýdentterge arnalǵan 15 jataqhana salynady. Bul týraly QR Bilim jáne ǵylym mınıstriniń orynbasary Takır Balyqbaev Qostanaı memlekettik ýnıversıtetinde Qazaqstan Respýblıkasy Prezıdenti janyndaǵy jastar saıasaty keńesiniń múshelerimen kezdesýinde málimdedi, dep jazady 24.kz.
Qostanaı oblysynyń ózinde 50 myńnan astam stýdent bar. Bilim izdegen jastardy tolǵandyrar birinshi másele - osy jataqhana jaıy. Bilim, ǵylym salasynda da sheshimin kútken máseleler az emes. Jas ǵalymdarǵa qoıylar talap kúsheıip, ǵylymı ataq alý qıyndaǵan.
Mınıstrdiń orynbasary máselelerdiń birtindep sheshilip kele jatqanyn baıandady. Ol zaman talabyna saı mamandar daıarlaý máselesi de memlekettiń basty nazarynda ekenin aıtyp ótti.
«Memleket «Údemeli ındýstrıaldy-ınnovatsııalyq damý» baǵdarlamasy boıynsha mamandar daıyndaýǵa búgingi tańda úlken kóńil bólip otyr. Respýblıkanyń 10 joǵary oqý oryndarynyń kolledjinde osy mamandardy daıyndaıtyn bolady. Oǵan jańa baǵdarlama jasaý, materıaldyq baza, muǵalimderdi daıarlaý týraly úlken máseleler sheshilip jatyr», deıdi QR Bilim jáne ǵylym mınıstriniń orynbasary Takır Balyqbaev.
