Qazaqstanda stýdentterdiń, magıstranttardyń jáne doktoranttardyń stıpendııasy 1 qyrkúıekten bastap kóbeıedi
ASTANA. KAZINFORM - QR Premer-Mınıstri Oljas Bektenov 2024 jylǵy 1 qyrkúıekten bastap kolledjder men JOO stýdentterine arnalǵan stıpendııalardy arttyrýdy kózdeıtin Úkimet qaýlysyna qol qoıdy.
Úkimettińbaspasóz qyzmetiniń habarlaýynsha, kolledj stýdentteri úshin shákirtaqy 50%-ǵa artyp, jumysshy mamandyqtary boıynsha 43 574 teńgeni, orta býyn mamandary úshin 41 896 teńgeni quraıtyn bolady.
Bakalavrıat stýdentteriniń stıpendııasy 20%-ǵa artyp, 47 135 teńgege deıin, al pedagogıka jáne medıtsına baǵyttaryndaǵy bilim alýshylardyń stıpendııasy 75 600 teńgege deıin ulǵaıady.
Internatýrada oqıtyndarǵa stıpendııa 85 376 teńge, al rezıdentýrada – 123 122 teńge kóleminde tólenetin bolady.
Magıstranttar men doktoranttarǵa stıpendııa 15%-ǵa ulǵaıtylady, onyń mólsheri tıisinshe 107 061 teńgeni jáne 240 000 teńgeni quraıdy.
Sondaı-aq 2025 jylǵy 1 qyrkúıekte shákirtaqy bakalavrıat stýdentterine 20%-ǵa, magıstranttar men doktoranttarǵa 15%-ǵa kóbeıetin bolady.
Jalpy, Memleket basshysynyń tapsyrmasy boıynsha 2020 jyldan bastap stıpendııany kóbeıtý boıynsha josparly jumys júrgizilýde. Sonyń nátıjesinde 2025 jylǵa qaraı JOO men kolledj stýdentteriniń stıpendııasy eki esege, magıstranttar men doktoranttar úshin 1,75 esege ósedi.
