Qazaqstanda stýdentter jataqhanasy máselesi tolyq sheshildi me
ASTANA. KAZINFORM – Eki jylda Almatydaǵy stýdentter jataqhanasy boıynsha tapshylyq máselesi sheshiledi. Bul týraly Ǵylym jáne joǵary bilim mınıstri Saıasat Nurbek aıtty.
- Jataqhanalarǵa toqtalsaq, bul turǵyda eleýli nátıje bar. Sońǵy 7 jyldyń ishinde 281 jataqhana iske qosyldy, 72 myńnan astam tósek-oryn berildi. Jataqhana tapshylyǵy máselesin japtyq dep aıtýǵa bolady. Degenmen, qazirgi kezde Almaty qalasynda 5 myńnan astam tapshylyq bar, - dedi S. Nurbek Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, kelesi bir-eki jyldyń ishinde osy tapshylyq máselesi tolyqtaı sheshiledi.
Aıta keteıik, buǵan deıin órt qaýipsizdigi aılyǵy aıaynda birinshi kezekte stýdentter jataqhanalary tekseriletini málim boldy.
