Qazaqstanda strategııalyq ınvestıtsııalyq jobalar pýly qalyptastyrylady
«Investıtsııalyq jobalardy iske asyrýdyń barlyq merzimine zańnamalyq talaptardyń turaqtylyǵyn qamtamasyz etý maqsatynda Strategııalyq ınvestıtsııalyq kelisimder engiziledi. Osy maqsatta Kásipkerlik jáne Salyq kodeksterine, sondaı-aq «Arnaıy ekonomıkalyq aımaqtar týraly» zańǵa túzetýler kózdeletin bolady», - dedi ol.
Mınıstr strategııalyq ınvestıtsııalyq jobalar pýly qalyptastyrylatyndyǵyn atap ótti.
«Barlyq jobalar Investıtsııalardy tartý jónindegi úılestirý keńesinde qaralady. Jobalardyń iske asyrylý tıimdiligin arttyrý úshin árbir iri ınvestordy jeke tásilmen qamtamasyz etý boljanady. Budan basqa ınvestıtsııalyq jobalardy iske asyrý protsesinde zamanaýı ınfraqurylymdy, aǵylshyn zańnamasyn jáne jeńildetilgen salyq jáne kóshi-qon rejımin usynatyn «Astana» halyqaralyq qarjy ortalyǵynyń áleýeti belsendi paıdalanylatyn bolady. Joǵaryda kórsetilgen sharalar negizgi kapıtalǵa ınvestıtsııalar kólemin jalpy ishki ónimniń 30 paıyzyna jetkizýge jáne tikeleı sheteldik ınvestıtsııalardyń jalpy kelýin 2025 jylǵa qaraı 30 mlrd AQSh dollaryna deıin ulǵaıtýǵa múmkindik beredi», - dedi Rýslan Dálenov.
