Qazaqstanda strategııalyq ekologııalyq baqylaý ınstıtýty engiziledi

NUR-SULTAN. QazAqparat - Qazaqstanda strategııalyq ekologııalyq baqylaý ınstıtýty engiziledi. Bul týraly búgin QR Energetıka mınıstri Ekologııalyq retteý jáne baqylaý komıteti tóraǵasynyń orynbasary Zulfyhar Joldasov aıtty, dep habarlaıdy QazAqparat tilshisi.

«Túbegeıli jańa ınstıtýttardyń biri strategııalyq ekologııalyq baǵalaý ınstıtýtyn engizý bolmaq. Aýyl sharýashylyǵy, orman sharýashylyǵy, balyq sharýashylyǵy, energetıka, ónerkásip, kólik, óńirlik damý, qaldyqtardy basqarý, sý sharýashylyǵy, telekommýnıkatsııa, óńirlik damý, telekommýnkatsııa, týrızm, jerdi paıdalaný syndy salalyq josparly baǵdarlamalar úshin strategııalyq ekologııalyq baǵalaý mindetti bolady», - dedi komıtet tóraǵasynyń orynbasary elordada ótip jatqan «Ekologııalyq zańnamany reformalaý - qazirgi ahýaly men bolashaǵy» taqyrybyndaǵy pikirtalas alańynda.

Onyń aıtýynsha, elimizde túrli salalarǵa qatysty memlekettik úlken baǵdarlamalar qabyldanyp jatady. Alaıda olardyń áser etýin baǵalaý joba júzege asyrylǵannan keıin ǵana kórinedi.

«Strategııalyq baǵalaý ınstıtýtyn engizgennen keıin memlekettik baǵdarlamany ázirlegen kezde onyń ekologııalyq baǵalaýǵa qatysty strategııalyq qujaty qosa daıyndalady. Bul álemdik tájirıbe jáne biz bul ınstıtýtty engizemiz», - dedi Z.Joldasov.

Aıta keteıik, «Qazaqstannyń ekologııalyq uıymdary qaýymdastyǵy» ZTB uıymdastyrǵan sharada elimizdiń jańa Ekologııalyq kodeksiniń jobasy talqylandy.