Qazaqstanda sym telefon qoldanatyn 2,1 mln abonent qana qaldy

ASTANA. KAZINFORM — Baılanys qyzmetiniń kólemi ótken jyly 7,1% ósti, dep habarlaıdy ulttyq statbıýro. 

2023 jyldyń qańtar-jeltoqsan aılarynda baılanys qyzmetteriniń kórsetilgen kólemi 1,2 trln teńgeden asty, bul 2022 jyldyń sáıkes kezeńimen salystyrǵanda 7,1% artyq.

Negizgi baılanys qyzmetteri:

ınternet jelisiniń qyzmetteri — 556,7 mlrd teńgege (ósim -16,2%)
uıaly baılanys qyzmetteri — 259,7 mlrd teńgege (ósim — 4,1%)
basqa telekom qyzmetter — 247,3 mlrd teńgege (ósim — 3,9%)

2023 jylǵy qańtar-jeltoqsanda tirkelgen telefon jelileriniń sany 5,6% qysqaryp, 2,1 mln boldy. 

Uıaly baılanys abonentteriniń sany 12 aıda 0,7% ósti.

2023 jyldyń qorytyndysy boıynsha Qazaqstanda barlyǵy 25,2 mln uıaly baılanys abonenti bar. 

Turaqty ınternetti 3 mıllıon abonent paıdalanady (ósim 5,9%).