Qazaqstanda startaptarǵa qoldaý kórsetetin venchýrlik ınvestıtsııalar qory qurylady

ASTANA. KAZINFORM – Qazaqstanda talanttar men startaptarǵa qoldaý kórsetetin venchýrlik ınvestıtsııalar qory qurylyp jatyr. Qordyń nysanaly kólemi 1 mlrd dollarǵa deıin jetedi. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtyp berdi.

− 2021 jyldan bastap biz 114 myńnan astam IT-mamandy oqyttyq, onyń 33 myńnan astamyna byltyr bilim berdik. Joǵary oqý oryndary men kolledjderdegi IT-bilimge qosymsha TechOrda baǵdarlamasy iske qosyldy. Bul baǵdarlama qysqa merzimde jəne suranysqa ıe baǵyttar boıynsha 20 myń IT-maman daıarlaýǵa múmkindik beredi. TechOrda túlekteriniń jumysqa ornalasý deńgeıi 20%-ǵa jýyq, - dedi mınıstr Úkimet otyrysynda.

Mınıstrlik startaptar úshin kremnıı alqabynan jetekshi damý baǵdarlamalaryn tartqan. Bul Google for Startups, Plug & Play, Draper University jəne Alchemist sııaqty úzdik baǵdarlamalar. Osy arqyly startaptar ınvestıtsııalarǵa, bilim men múmkindikterge qol jetkize alady.

− 70-ke jýyq startap damý baǵdarlamalary boıynsha qoldaý aldy, 30 mıllıon dollardan astam ınvestıtsııa tartyldy. Sonymen qatar, Qazaqstan IT-habtardyń halyqaralyq jelisin qurýda. AQSh, Saýd Arabııasy, Sıngapýr jəne jaqynda Ulybrıtanııada IT habtar ashyldy. Qazaqstandyq startaptarǵa ınvestıtsııalar tartý jəne eksportqa shyǵý úshin sheteldik ınfraqurylym qoljetimdi, − deıdi J. Mádıev.

Mundaı startaptar úshin ósýdiń negizgi faktory ol jetkilikti venchýrlyq kapıtaldyń bolýy.

− Biz «Astana» Halyqaralyq qarjy ortalyǵy» ıýrısdıktsııasynda, Astana Hub bazasynda venchýrlik ınvestıtsııalar qoryn iske qosyp jatyrmyz. Qordyń nysanaly kólemi 1 mlrd dollardy quraıdy. Qazirdiń ózinde ınvestorlardan 130 mıllıon dollarǵa aldyn-ala ótinimder jınaldy. Bul qordyń ereksheligi – ol negizinen jeke kapıtal esebinen qalyptasady. Qor óńirden kelgen talanttar men startaptar úshin magnıtke, sheteldik ınvestıtsııalardy tartýdaǵy negizgi əripteske jəne Qazaqstanǵa tehnologııalar transferi úshin quralǵa aınalady, − dedi mınıstr.

Buǵan deıin Qazaqstanda jańa mobıldi operator paıda bolýy múmkin ekeni habarlanǵan edi.

Sondaı-aq, Astana Hub rezıdentteri 90-nan astam elge IT-qyzmet eksporttaǵan.