Qazaqstanda Starlink jabdyqtaryn zańdy túrde paıdalaný qashan iske asady
Tsıfrlyq damý, ınnovatsııalar jáne aeroǵarysh ónerkásibi mınıstrligi Starlink quraldary men jabdyqtaryn zańdastyrý jospary jaıynda túsinik berdi, dep habarlaıdy Kazinform.
«Májilis depýtattary «Qazaqstan Respýblıkasynyń keıbir zańnamalyq aktilerine baılanys, tsıfrlandyrý jáne aqparattyq tehnologııalar salasyndaǵy ınvestıtsııalyq klımatty damytý jóninde ózgerister men tolyqtyrýlar engizý týraly» zań jobasyna bastamashylyq jasady. Mınıstrlik osy qujat aıasynda geostatsıonarlyq emes spýtnıktik júıeler arqyly baılanys qyzmetterin usynýdy lıtsenzııalaý is-sharalaryn júzege asyrmaq», - delingen mınıstrliktiń Kazinform agenttigine bergen jaýabynda.
Budan buryn habarlanǵandaı, Starlink qurylǵylaryn óz erkimen qosqandarǵa aıyppul salynady.
Qazir osy qurylǵylardy zańsyz qosqandar bastapqyda eskertý alady. Eger bul derek qaıtalansa, onda 10 AEK somasynda aıyppul salynady. Sondyqtan zańnamaǵa túzetýler engizilgennen keıin, qazaqstandyqtar bul jabdyqtardy paıdalana alady.
Bıylǵy qazan aıynda 10 aýyldyq mektep SpaceX kompanııasynyń Starlink tehnologııasy arqyly testilik rejımde keń jolaqty ınternetke qosyldy.
