Qazaqstanda standarttaý boıynsha ulttyq organ qurý usynyldy
ASTANA. QazAqparat - Qazaqstanda standarttaý boıynsha barlyq máselelerdi rettep otyratyn ulttyq organdy qurý qajet. QR Parlamenti Májilisiniń jalpy otyrysy kezinde «Standarttaý týraly» QR zań jobasynyń birinshi oqylymynda Investıtsııalar jáne damý mınıstri Jeńis Qasymbek osylaı málim etti, dep habarlaıdy «QazAqparat» HAA tilshisi.
«Naryqtyq qatynastyń talabyna saı qadaǵalaý, sertıfıkattaý jáne standarttaý organdaryn bólý qajettigi týyndady. Bul múddeler arasyndaǵy daýdyń týyndamaýyna septigin tıgizdi. Kásipkerge sertıfıkattaý jónindegi ýákiletti táýelsiz organ beredi. Al memlekettik baqylaýdy memleket júrgizedi. Budan ary naryqtyq ekonomıkaǵa ótý barysynda Qazaqstan 2004 jyly túbegeıli jańa zań qabyldady. Ol úzdik halyqaralyq tájirıbege negizdelgen jańa eki deńgeıli júıeni qurdy», - deıdi Jeńis Qasymbek.
Mınıstr aıtýynsha, qaýipisizdik máselelerinde tehnıkalyq saıasatqa basa nazar aýdarýdyń qadamy jasalǵan.
«EAEO-da tehnıkalyq retteý ol tek ónimge qoıylatyn mindetti talaptardy retteıtin bolady. DSU aıasynda standarttar usynymdyq sıpatqa ıe boldy. Al ulttyq standarttar kóp jaǵdaıda halyqaralyq talaptarǵa saı bolýy tıis. Sondaı-aq, mindetti talaptar tek tehnıkalyq reglamentterge belgilenýi kerek», - deıdi zań jobasy týraly Investıtsııalar jáne damý mınıstri.
Jeńis Qasymbektiń aıtýynsha, Germanııa, Ulybrıtanııa, Ispanııa, Aýstrııa, Norvegııa, Qytaı sekildi elderde standarttaý týraly zań jumys istep tur. Al EAEO aıasynda Qazaqstannyń seriktesi bolyp otyrǵan Reseı osyndaı jolmen damyp keledi.
«Qazaqstandyq modeldiń úılesimin biz Ulttyq standarttaý júıesin qurý arqyly sheshýge bolatynyn kórip otyrmyz. Ol jerde memleket pen bıznes-tutynýshynyń teń quqyǵy bolýy kerek. Memleket biraq osy tusta tehnıkalyq saıasat pen qaýipsizdik máselelerine kelgende júıeniń jumysyna aralasady. Biz álemniń damyǵan elderiniń tájirıbelerine súıene otyryp, standarttaý boıynsha ulttyq organdy qurýdy usynamyz. Osylaısha, standarttaý boıynsha barlyq suraqtardy baqylaýǵa alyp, múddeleri bar barlyq taraptardyń tek quqyqtyǵyn qamtamasyz etedi. Bul organ - operator bolady. Ulttyq organ - memlekettik ári zańdy tulǵabolady», - deıdi Jeńis Qasymbek.
