Qazaqstanda «Spýtnık V» vaktsınasy resmı tirkelgen joq - Erlan Qııasov
«Tirkeý qujattamalary qaralyp jatyr. Biz tıisti toptamalardy ázirleý ústindemiz. Olar qarastyrylýda. Bir ret ákelýge ruqsat berý negizinde 22 myń doza vaktsınanyń alǵashqy toptamasy jetkizildi», - dedi Erlan Qııasov Ortalyq kommýnıkatsııalar qyzmetindegi baspasóz máslıhaty barysynda BAQ ókilderiniń saýalyna oraı.
Sonymen qatar ol reseılik vaktsınanyń taıaý kúnderi elimizde tirkeletindigin basa aıtty.
Al QR Densaýlyq saqtaý vıtse-mınıstri Ajar Ǵınııat Qazaqstan turǵyndaryna vaktsına salynǵanǵa deıin mınıstrlik Reseıden atalǵan preparatqa qatysty klınıkalyq zertteýdiń barlyq málimetterin suraǵanyn jetkizdi.
«Biz birinshi, ekinshi jáne úshinshi faza boıynsha barlyq esepti aldyq jáne dárilik zattarǵa saraptama jasaý ulttyq ortalyǵynda saraptama júrgizildi. Atalǵan preparattary bir ret ákelýge ruqsat berildi», - dedi ol.
Aıta keteıik, Memleket basshysy Qasym-Jomart Toqaevtyń tapsyrmasymen 1 aqpanda Qazaqstanda «Spýtnık V» vaktsınasyn erikte negizde egý naýqany bastalady.