Qazaqstanda «Sporttyń jol kartasy» baǵdarlamasyn daıyndaý bastamasy kóterildi
ASTANA. 20 qańtar. QazAqparat /Jasulan Amanbaıuly/ - «Qazaqstan sport odaǵy» ZTB jáne «Nur Otan» partııasy elimizde «Sporttyń jol kartasy» baǵdarlamasy jobasyn engizbek.
Búgin Astanada «Nur Otan» HDP-nyń Ortalyq apparatynda «Buqaralyq sport. Damý jaǵdaıy men bolashaǵy» atty respýblıkalyq dóńgelek ústel jıynynda sóz alǵan «Qazaqstan sport odaǵy» ZTB-niń tóraǵasy Erlan Janǵulovtyń málim etýinshe, «Sporttyń jol kartasy» baǵdarlamasy aıasynda buqaralyq sportty damytý jáne onyń ınfraqurylymyn damytý maqsatynda keshendi zertteý júrgiziledi.
Sonymen qatar bul baǵdarlamaǵa sáıkes, Qazaqstanda memlekettik sport telearnasyn qurý, memlekettik kásipkerliktiń áriptestigin yntalandyrý, sport salasyna ınvestıtsııalar tartý tetikterin engizý, buqaralyq sportty damytý maqsatynda birlesken vedomstvoaralyq josparlar daıyndaý, bilim mekemelerinde sporttyq ınfraqurylymdardy salý, sport salasyndaǵy memlekettik satyp alý isin jetildirý jumystary josparly túrde atqarylatyn bolady.
«Sport salasynda kóterilip jatqan barlyq máselelerdi júıeli túrde sheshý úshin «Qazaqstan sport odaǵy» ZTB jáne «Nur Otan» partııasy «Sporttyń jol kartasy» jobasyn daıyndaý bastamasyn kóterip otyr. Mindetterdi naqty belgileý arqyly, biz buqaralyq jáne degdar sporttyń damýyna sapaly negiz beretin bolamyz»,-dep atap kórsetti E. Janǵulov.
