Qazaqstanda sporttyq qural-jabdyqtardyń zaýyty salynbaq
ASTANA. 9 shilde. QazAqparat - Qazaqstanda dene shynyqtyrý-saýyqtyrý keshenderi men sporttyq qural-jabdyqtar úshin modýlderdi shyǵaratyn zaýyttyń qurylysy josparlanýda.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.
Agenttik basshysynyń aıtýynsha, bul jobalardy Údemeli ındýstrııalyq-ınnovatsııalyq damý memlekettik baǵdarlamasy aıasynda salý josparlanyp otyr.
«Sport ınfraqurylymy ósiminiń turaqty úrdisi baıqalǵanymen, elimizde sporttyq qural-jabdyqtardyń jáne oqý oryndary men turǵylyqty jerlerde, jappaı demalys oryndarynda, ásirese, aýyldyq jerler men kásiporyndarda sporttyq múlikterdiń kólemi jetkiliksiz»,-dedi ol.
«Taldaý málimetterine sáıkes, 7 myńnan astam jalpy bilim berý mektepteriniń 5,5 myńynda ǵana jeke sport zaldary bar kórinedi. Sonymen qatar olardyń materıaldyq-tehnıkalyq qamtylýy oqý úderisiniń qajetti deıgeıiniń talaptaryna saı kelmeıdi»,-deıdi agenttik basshysy.
Onyń sózine qaraǵanda, sporttyq jabdyqtar negizinen aýyldyq mektepterde jetispeıdi.
