Qazaqstanda sportpen shuǵyldanatyn azamattar sany el halqynyń 21,6 paıyzyn quraıdy - Úkimet saǵaty
ASTANA. 21 qazan. QazAqparat - Qazaqstanda sportpen shuǵyldanatyn azamattar sany el halqynyń 21,6 paıyzyn quraıdy.
Bul týraly búgin Májilistegi Úkimet saǵatynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov osylaı málim etti.
Toqtala ketetin jaıt, dene shynyqtyrý men sport salasyndaǵy basym baǵyttardyń biri qazaqstandyqtardyń deni saý ult bolyp qalyptasýyn qamtamasyz etý. Bul rette buqaralyq sportty damytýǵa jaǵdaı jasaý asa mańyzdy.
«Búgingi tańda halqynyń 70 paıyzy sportpen shuǵyldanatyn álemdegi jalǵyz el -Fınlıandııa. Bul memlekettiń mektepterinde dene tárbıesinen aptasyna bes saǵatqa deıin mindetti túrde sabaqtar ótedi. Polshanyń Seımi kún saıynǵy dene shynyqtyrý sabaqtaryn mekteptiń baǵdarlamasyna engizý týraly zań qabyldandy. Al AQSh Senaty bastaýysh mekteptiń oqý josparyna kún saıyn ótetin dene shynyqtyrý sabaǵyn engizgen», deıdi E. Qojaǵapanov.
Toqtala ketetin jaıt, Memleket basshysy N. Nazarbaev 2020 jylǵa qaraı dene shynyqtyrýmen jáne sportpen shuǵyldanatyn azamattardyń sanyn 30 paıyzǵa jetkizý, sonyń ishinde balalar men jasóspirimder sanyn 15 paıyzǵa jetkizý týraly tapsyrma bergen bolatyn. «2012 jyldyń qorytyndysy boıynsha Qazaqstandaǵy bul kórsetkish 21,6 paıyzdy qurap otyr», deıdi E. Qojaǵapanov.
