Qazaqstanda sport jarystaryna qatysýǵa arnalǵan jas shekteýleri jarııalandy
ASTANA. KAZINFORM – Sport túrleri boıynsha jarystarǵa qatysý úshin eń tómengi jas mólsheri belgilendi.
Týrızm jáne sport mınıstrliginiń málimetine súıensek, Qazaqstanda 4-17 jas aralyǵyndaǵy 5,1 mıllıonnan astam bala men jasóspirim sportpen turaqty túrde aınalysady. Jarystar sporttyq daıyndyqtyń mańyzdy bóligi sanalady jáne belgili bir fızıkalyq ári psıhologııalyq júktemelerdi qamtıdy.
Osyǵan baılanysty, 2023 jylǵy shilde aıynda sporttyq jarystarǵa qatysý úshin eń tómengi jas shegi bekitildi. Bul shara balalardyń densaýlyǵyn qorǵaý jáne erte jasta jaraqat alý qaýpin tómendetýge baǵyttalǵan.
Jas shekteýleri sport federatsııalarynyń usynystary negizinde, Densaýlyq saqtaý mınıstrligimen kelisilip, halyqaralyq standarttarǵa sáıkes anyqtaldy. Bul talaptar tek jarystarǵa qatysýǵa qatysty bolyp, balalardy sport mektepteri, úıirmeler jáne sport rezervin daıarlaıtyn mekemelerge qabyldaýǵa qatysty shekteýlerdi qamtymaıdy.
Jas erekshelikterine baılanysty qoıylǵan shekteýler jónindegi tolyq aqparat tómendegi kestede kórsetilgen.
Budan buryn Qazaqstan sportshylary 4–10 mamyrda qandaı jarystarda baq synaıtynyn jazǵanbyz.
