Qazaqstanda sport túrlerin saralaý júıesin engizý usynylýda
ASTANA. QazAqparat - QR Parlamenti Májilisinde «Qazaqstan Respýblıkasynyń dene tárbıesi jáne sport máseleleri boıynsha zańnamalyq aktilerine ózgertýler men tolyqtyrýlar engizý týraly» hań jobasy tanystyryldy, dep habarlaıdy QazAqparat.
Zań jobasynda sport túrleri boıynsha bıýdjet qarjysynyń teńgerimdi bólinýin qamtamasyz etý maqsatynda sport túrlerin saralaý júıesin engizý kózdelgen.
«Bıýdjetti bólgen kezde sport túrlerin saralaý krıterııleri eskeriletin bolady. Saralaý kórsetkishterin aıqyndaýdyń negizgi krıterıılerine mynalar jatqyzylady: halyqaralyq jarystardaǵy sporttyq jetistikteri, sport túriniń ulttyq-mádenı «dástúrliligi», kadrlyq áleýettiń bolýy, materıaldyq-tehnıkalyq bazanyń bolýy, sport túri ereksheliginiń óńirdiń aýa raıy jaǵdaıyn beıimdiligi», - dedi zań jobasyn tarystyrǵan elimizidń Mádenıet jáne sport vıtse-mınıstri Sáken Musaıbekov.
Buǵan qosa zań jobasynda ókiletti organnyń quziretine sportyń basym túrleriniń tizilimin bekitý, sport túrlerin saralaý erejesi, Qazaqstandaǵy basymdyqty sport túrleriniń óńirlik tizilimin jergilikti atqarýshy organdarmen kelisý qyzmetterin qosý qarastyrylǵan.
Al jergilikti atqarýshy organdardyń quzyretine tek buqaralyq jáne ultyq sport túrlerin ǵana emes, sonymen birge múgedekterdiń sportyn da damytýdy qamtamasyz etý, sport túri boıynsha Qazaqstannyń qurama komandasy sapyna kiretin sportshyǵa jáne olardyń jattyqtyrýshylaryna beriletin aılyq kólemin ázirleý jáne bekitý qyzmeti kiretin bolady.
«Zań jobasy qabyldanǵan jaǵdaıda Qazaqstanda sportty qarjylandyrýdyń ózindik modeli ázirlenedi. Ol respýblıkalyq jáne oblystyq deńgeıde sport túrlerine shynaıy ári táýelsiz qarjy bólýdi kepildendiretin bolady. Atalǵan zań jobasyn qabyldaý memlekettik shyǵystardyń artýyna nemese memlekettik kiristerdiń qysqarýyna ákep soqpaıdy. Sonymen qatar áleýmettik-ekonomıkalyq jne quqyqtyq teris saldary joq», - dedi Musaıbekov.
