Qazaqstanda sóz bostandyǵyna eshqandaı da shekteý joq - Bas redaktorlar klýbynyń ókili
ASTANA. 26 qarasha. QazAqparat /Aıdar Ospanalıev/ - «Qazaqstanda sóz bostandyǵy joq» degen áńgime aıtylyp qalady. Al Qazaqstanda tirkelgen 3 myńǵa jýyq aqparat quraldarynyń 80 paıyzy jeke ıelikte jáne memleket oǵan eshqandaı da yqpal ete almaıdy.
Onda jarııalanatyn materıaldardyń qandaı bolýy qajettigine eshkim de shek qoıa almaıdy. Búginde elimizdegi memleketke syn aıtqysy keletin basylymdardyń sany memlekettik basylymdardyń sanynan artyq. Tek «Svoboda slova» basylymynyń óziniń taralymy aptasyna 90 myń danadan asady. Sondaı-aq «Respýblıka» basylymynyń sany 30 myń, «Jas Alash» 50 myń danamen taraıdy jáne olardy eldegi kez-kelgen dúńgirshekten nemese dúkennen satyp alýǵa bolady. Osyndaı jaǵdaıda sóz bostandyǵy joq deýge bola ma?», dedi Qazaqstannyń Bas redaktorlary klýbynyń ókili búgin EQYU sammıtiniń Sholý konferentsııasynda.
Onyń sózine qaraǵanda, elimizde «K plıýs» atty telearna bar. Ol elimizdiń barlyq aımaqtaryna taraıdy. Olardyń habarlarynda úkimetke, Memleket basshysyna jáne bıliktiń ózge de ókilderine qatysty syn, pikirler aıtylyp jatady. Al memlekettiń ıeleginde eki arna men eki basylym bar. Jekelegen azamattardyń ózderiniń baspalaryn ashyp, qajetti materıaldaryn basýǵa eshkim de tejeý bolyp otyrǵan joq. Bul turǵyda Qazaqstanda keıbir materıaldardy baspalar qabyldamaıdy degen sóz negizsiz. Bul - osyǵan deıin Varshavada da sóz bolǵan másele», dedi klýb ókili.
