Qazaqstanda sottalýshyny aqtap shyǵarýshy úkimder 4 esege kóbeıdi
ASTANA. QazAqparat - Qazaqstanda sottalýshyny aqtap shyǵarýshy úkimder 4 esege artty, dep habarlaıdy QazAqparat QR Joǵarǵy sotynyń baspasóz qyzmetine silteme jasap.
«2017 jyldyń alǵashqy 6 aıynda 28 úkim sottalýshyny aqtap shyǵarsa, 2018 jyldyń alǵashqy jartyjyldyǵynda - 101-ge jetti. Bul - jeke aıyptaý isterin qospaǵandaǵy kórsetkishter. Sonymen birge, buryn aýyrlyǵy ortasha ister aqtalsa, qazir aýyr jáne erekshe aýyr qylmystar boıynsha da aqtaýlar kóbeıgen», - dep jazdy QR Joǵarǵy sotynyń baspasóz hatshysy Bolat Kalıanbekov Facebook paraqshasynda.
Onyń aıtýynsha, sońǵy eki aptada qylmystyq ister boıynsha kassatsııada 27 is qaralǵan. Onyń tórteýi boıynsha aqtaý úkimderi shyǵarylǵan.
