Qazaqstanda sottalýshylar arasynda shyǵarmashylyq baıqaý bastaldy (FOTO)
ASTANA. QazAqparat - Respýblıkanyń penıtentsıarlyq júıesiniń barlyq mekemelerinde sottalǵandardyń qolymen jasalǵan «Úmit-2015» atty kartınalar men qoldanbaly óner buıymdarynyń baıqaýy ótip jatyr, dep habarlady QR ІІM Qylmystyq-atqarý júıesiniń baspasóz qyzmetinen.
«Osyndaı sharanyń ótkizilýi sottalýshylar arasyndaǵy tárbıeleý jumysy baǵyttarynyń biri bolyp tabylady, ol tabıǵat ásemdigin túsinip, ónerge bet burýǵa, sondaı-aq estetıkalyq talǵamdy tárbıeleýge septigin tıgizedi», - dep atap ótti vedomstvodan.
Máselen, keshe ÝK-161/2 mekemesinde (qatań rejım, Qostanaı qalasy) baıqaý qorytyndylary jarııalandy. «Shyǵarmashylyq jarysqa nıet bildirgen barlyq sottalýshylar qatysty. Sońǵy qorytyndyny qazylar alqasynyń tóraıymy - Qostanaı oblystyq ólketaný murajaıy dırektorynyń orynbasary Galına Satalkına shyǵardy», - dep baıandady ÝK-161/2 mekemesi bastyǵynyń orynbasary Azamat Ǵapbasov.
Respýblıkalyq baıqaýdyń sońynda kartınalar men buıymdar dástúr boıynsha qarttar úılerine, balalarǵa arnalǵan mektep-ınternattaryna, mektepterge, balabaqshalarǵa jiberiledi, dep qosyp ótti ІІM QAJ Komıtetinen.
