Qazaqstanda sottalǵandarǵa arnalǵan elektrondy bilezik taǵý júıesi synaqtan ótti
ASTANA. QazAqparat - Qazaqstanda aýyr qylmys jasamaǵan adamdarǵa bilezik taǵý arqyly baqylaý jasap otyrýǵa bolady. QR Qorǵanys jáne aeroǵarysh ónerkásibi mınıstrligi Qazaqstan Respýblıkasynyń Іshki ister mınıstrliginiń osy otandyq jobany maquldaýyn kútip otyr, dep habarlaıdy «QazAqparat» HAA tilshisi.
«Biz Qylmystyq-atqarý júıesi komıteti úshin arnaıy júıe jasap shyǵardyq. Máselen, qylmys jasap, túrmede otyrǵan adamdardy túrmede ustamaı-aq qoısa bolady. Demek, aýyr qylmys jasamaǵan adam úıinen shyqpaı-aq jazasyn óteı alady. ıAǵnı, biz olarǵa arnaıy bilezik jasaımyz. Biz ótken jyly Ǵarysh tehnologııasynyń ınstıtýtynda osy bilezikti jasadyq. Izraıldyqtarmen, amerıkalyqtarmen konkýrsqa baryp, jeńdik. Bileziktiń jobasy arqyly baǵdarlama jasadyq», - deıdi qazaqstandyq ǵarysh spýtnıkteriniń múmkindigin tanystyrǵan QR Qorǵanys jáne aeroǵarysh ónerkásibi mınıstri Beıbit Atamqulov.
Mınıstr bilezik boıynsha úsh aı boıy pılottyq joba júrgizilgenin aıtady.
«Joba barlyǵynyń da kóńiline qonǵan sekildi. QR ІІM-niń sheshimin bir jyl boıy kútip otyrmyz. Álbette, bul úshin shetten qosymsha bólshekterdi qoldanamyz. Biraq, bunyń barlyǵy negizinen otandyq baǵdarlamalar», - deıdi mınıstr.
Eske sala ketsek, búgin QR Parlamenti Senaty Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva bastaǵan komıtet músheleri Astananyń irgesinde turǵyzylyp jatqan Ulttyq ǵarysh ortalyǵynda bolyp, atqarylyp jatqan jumystarmen tanysqan bolatyn. Komıtet músheleri ortalyqta tájirıbelik óndirisi bar ǵaryshtyq tehnıkany qurastyrýshylyq-tehnologııalyq bıýrosyn aralady.
