Qazaqstanda sottalǵandarǵa arnalǵan elektrondy bilezik satyp alýǵa shamamen 2,5 mlrd. teńge bólinedi
ASTANA. QazAqparat - Qazaqstanda sottalǵandarǵa arnalǵan elektrondy bilezikter satyp alýǵa shamamen 2,5 mlrd. teńge bólinedi. Bul búgin elordada QR Bas prokýratýrasy ınstıtýtynyń uıymdastyrýymen bastalǵan Qylmystyq, Qylmystyq is júrgizý, Qylmystyq atqarý, ákimshilik quqyq buzýshylyq kodeksteriniń jańa modeline kóshý máseleleri jónindegi semınar-keńeste QR Іshki ister mınıstriniń orynbasary Erlik Kenebaev málim etti.
Onyń atap ótýinshe, jańa Qylmystyq atqarý kodeksine sáıkes búginde shartty túrde sottalǵandardy, shartty túrde merziminen buryn bosatylǵandardy jáne sot ákimshilik baqylaý jazasyn kesken tulǵalardy qadaǵalaýdyń elektrondy quraldaryn engizý qolǵa alynýda.
«Qajetti qujattar toptamasy Investıtsııalar jáne damý mınıstrligine jiberilý úshin daıyndalý ústinde. Búgingi tańda respýblıkalyq bıýdjettik komıssııa tarapy bul maqsattarǵa shamamen 2,5 mlrd. teńge bólýdi maquldady», - dedi ol.
Aıta keteıik, semınar-keńeske Parlament depýtattary, Prezıdent Ákimshiliginiń, Joǵarǵy sottyń Іshki ister, Ádilet mınıstrlikteriniń, prokýratýra organdarynyń ókilderi, ǵalymdar men quqyqtanýshylar qatysýda. Sharanyń basty maqsaty - jańa qylmystyq aktilerdi qoldaný, quqyqtyq júıeniń jańartylǵan jaǵdaıda tıimdi is-qımyl jasaýyn qamtamasyz etý boıynsha sharalar men usynystardy pysyqtaýdyń problemaly máselelerin birlesip talqylaý.
