Qazaqstanda sottalǵandardyń tsıfrlyq aktıvterin saqtaý nysany aıqyndaldy
ASTANA. KAZINFORM — Ulttyq bank sottalǵan Qazaqstan azamattarynan tárkilengen tsıfrlyq aktıvterdi saqtaıtyn ınfraqurylymdy aıqyndady.
Ulttyq bank tóraǵasy Tımýr Súleımenovtiń aıtýynsha, bul aktıvterdi Ulttyq strategııalyq krıptorezervke aýdarý josparlanǵan.
- Sottalǵan adamdardyń birazynda qomaqty tsıfrlyq aktıvi bar. Qazir olar sheteldegi ámııandarda saqtaýly tur jáne tehnıkalyq jaǵynan qorǵalmaǵan. Al quqyq qorǵaý organdarynda mundaı aktıvterdi basqarýǵa ókilettigi joq. Sondyqtan bul aktıvter keıinnen krıptoqorǵa aýdarylady degen sheshim jasaldy, - dedi T. Súleımenov Senatta tilshiler suraǵyna jaýap bere otyryp.
Onyń aıtýynsha, aktıvterdi saqtaý ınfraqurylymy daıyn tur, ıaǵnı ony Ulttyq ınvestıtsııalyq korporatsııa men ortalyq depozıtarıı bazasynda daıyndaǵan.
- Eń bastysy, mundaı aktıvter bizdiń quzyretimizde bolady jáne úshinshi elderdiń talasýynan qorǵalady, - dedi UB basshysy.
Budan buryn habarlanǵandaı, Qazaqstan Ulttyq krıptorezervke 700 mln dollarǵa deıin ınvestıtsııa salady.
