Qazaqstanda sot tóreligin tıimdi júzege asyrýdyń barlyq qajetti jaǵdaılary qamtylǵan - B. Beknazarov
TANA. 11 qarasha. QazAqparat /Qanat Mámetqazyuly/ - Qazaqstanda sot tóreligin tıimdi júzege asyrýdyń barlyq qajetti jaǵdaılary qamtylǵan.
Búgin QR Parlamenti Senatynda «Sot tóreligin júrgizý kezindegi sottyń jáne sýdıanyń táýelsizdigi: quqyq qoldaný praktıkasynyń problemalary jáne zańnamalyq retteýdiń perspektıvalary» taqyrybyna arnalǵan konferentsııa barysynda sóz sóılegen QR Joǵarǵy Sotynyń tóraǵasy Bektas Beknazarov osylaı málimdedi.
«Búgingi kúni men osynda turyp, Qazaqstannyń sot bıligine eshkim de eshqandaı da qysym jasamaıtynyn barynsha bedelimdi salyp aıta alamyn», - dep atap ótti jıyn barysynda B. Beknazarov.
Budan bólek, Joǵarǵy Sot tóraǵasy sońǵy ýaqytta qazaqstandyq sottar kásibı joǵary bilikti kadrlarmen kúsheıip otyrǵanyn atap ótti. «Sot bıligine qaraı arnaıy zańgerlerdi daıarlaýǵa barynsha kóp nazar aýdarylyp otyr. Sýdıalyq laýazymdarǵa kandıdattardy iriktep alýdaǵy rásimder de ashyq jumys isteıdi. Bul rette úmitkerlerdiń kásibı biliktiligine ǵana emes, adamgershilik qasıetterine de basa nazar aýdarylady», - deıdi tóraǵa.
