Qazaqstanda sot isin júrgizý tolyq birizdendirildi
ASTANA. KAZINFORM – Elimizde sot isin júrgizýdiń barlyq túri boıynsha sot protsesteri standarttalyp, birizdendirildi. Bul týraly elordada «Ákimshilik ádilet jáne onyń quqyq ústemdigin qamtamasyz etýdegi róli» atty halyqaralyq forýmda QR Joǵarǵy Sotynyń tóraǵasy Aslambek Merǵalıev málim etti.
Onyń aıtýynsha, 2024 jyly Ákimshilik rásimdik-protsestik kodekste ákimshilik rásimder men ákimshilik aktilerdiń birizdiligi qaǵıdaty bekitildi. Bul memlekettik organdardy uqsas jaǵdaılarda birdeı sheshim qabyldaýǵa mindetteıdi.
Al 2025 jyldan bastap eksterrıtorııalyq sottylyq engizilip, sot táýelsizdiginiń kepildikteri kúsheıdi ári syrtqy faktorlardyń yqpalyna jol berilmedi.
– Qylmystyq jáne azamattyq sot isin júrgizýden aıyrmashylyǵy, ákimshilik isterdi Joǵarǵy Sotta qaıta qaraý «jappaı kassatsııa» qaǵıdaty boıynsha júzege asyryldy. Bul jarııa-quqyqtyq daýlardyń barlyq sanaty boıynsha birizdi quqyq qoldaný tájirıbesin qalyptastyrý úshin qajet boldy. Sot isin júrgizýdi birizdendirý aıasynda «jappaı kassatsııa» modeli jańadan qurylǵan derbes kassatsııalyq sottardyń qyzmetine de engizildi, – dedi A.Merǵalıev Táýelsizdik saraıynda.
Sonymen birge, ákimshilik ister boıynsha sot aktileriniń apellıatsııalyq tártipte qaralǵannan keıin zańdy kúshine enýin kózdeıtin zańnamalyq túzetýler qabyldandy.
Sondaı-aq Ákimshilik rásimdik-protsestik kodekstegi tájirıbe negizinde qylmystyq jáne azamattyq isterdi kassatsııalyq satyda qaraýdyń oıǵa qonymdy merzimi belgilendi. Bul merzim alty aıdan aspaýǵa tıis.
– Biz búgin senimmen aıta alamyz: ákimshilik ádilet júıesi tolyq qalyptasty. Jańartylǵan Konstıtýtsııada óz ornyn tapqan bul ınstıtýt «Zań men tártip» qaǵıdatyn iske asyrýdyń, quqyqtyq turaqtylyqty nyǵaıtýdyń jáne elimizdiń ınvestıtsııalyq tartymdylyǵyn arttyrýdyń mańyzdy tetigine aınaldy, – dedi QR Joǵarǵy sotynyń tóraǵasy.
Endigi jańa mindetter qatarynda ákimshilik ádilet aıasyn odan ári keńeıtý, ákimshilik rásimderdi jetildirý, ákimshilik aktilerdi jaramsyz dep taný mehanızmin, olardy májbúrlep oryndaý júıesin engizý tur. Joǵarǵy Sot bul jumysty Úkimetpen, Parlamentpen, Investıtsııalyq shtabpen jáne zań qoǵamdastyǵymen birlesip jalǵastyrýda.
– Keshe Joǵarǵy Sotta Ákimshilik quqyq jónindegi Eýrazııalyq kongres qurý týraly Astana deklaratsııasyna saltanatty túrde qol qoıyldy. Bul platforma turaqty negizde sýdıalardy, sarapshylardy, zańgerler men ǵalymdardy biriktiredi. Aqparat jáne ozyq tájirıbelermen almasý yntymaqtastyqty kúsheıtip, elderdiń quqyqtyq júıelerin jaqyndastyryp, zań ústemdigin nyǵaıtýǵa úles qosady, – dedi Aslambek Merǵalıev.
Buǵan deıin spıker halyqtyń sot júıesine senimi artqanyn aıtqan edi.
