Qazaqstanda sot organdaryna shaǵym berý ońtaılandyryldy
ASTANA. QazAqparat - Búgin Astana soty dóńgelek ústel otyrysy barysynda óziniń «Sot kabıneti» (www.office.sud.kz) servısine enýge múmkindik beretin biryńǵaı ınternet-terezesin tanystyrdy.
Qalalyq sot keńsesi jetekshisiniń orynbasary Arman Ibragımovtyń aıtýynsha, saıt qyzmetin paıdalanǵysy kelgen tulǵanyń elektrondy sandyq qoltańbasy bolýy qajet. Sot kabınetine tirkelgennen keıin paıdalanýshyǵa talap aryzdardy, buıryqtardy, erekshe talap aryzdaǵy sot aktilerin, qujattardy berý, tólem chekterin qaraý qyzmetteri qoljetimdi bolady.
«Sizderge eshqaıda barýdyń qajeti joq. Úıde kompıýterde otyryp-aq siz kez kelgen ýaqytta osy portal arqyly talap aryz bere alasyz. ıAǵnı, talap aryz berý aıtarlyqtaı jeńildeıdi»,- dedi A.Ibragımov.
Sot baspasóz qyzmetiniń túsindirýinshe, servıs kómegimen sot organdaryna elektrondy poshta arqyly júginýge de múmkindik bar. Bul rette azamattar óz hatynyń sot organdaryna jetkenine tolyq senimdi bolady.
