Qazaqstanda sot ádildiginiń qoljetimdiligi artty - Mámı
«Sottardyń qyzmetin qamtamasyz etý júıesine reformalyq jańalyqtar engizildi. Joǵarǵy sot keńesimen ádilet biliktilik alqasy quryldy. Sot júıesin ary qaraı jetildirýdiń basym baǵyty retinde sottardy mamandandyrý úlgisi tańdap alyndy. 2004 jyldan bastap respýblıkanyń barlyq aımaqtarynda mamandandyrylǵan aýdanaralyq ekonomomıkalyq, qylmystyq, ákimshilik jáne ıývenaldy sottar quryldy. Osy sharalardyń nátıjesinde isterdi qaraýdyń sapasy edáýir jaqsaryp, sot ádildiginiń qoljetimdiligi artty», - dedi ol.
Onyń aıtýynsha, 2007 jyly sot isin alqa bıleriniń qatysýmen júrgizýdiń jańa qazaqstandyq úlgisi qalyptasty. Qazaqstandyqtardyń konstıtýtsııalyq quqyqtary men bostandyqtaryn qorǵaýdy ary qaraı jetildirýdiń kepili retinde 2008 jyly qamaýǵa tek qana sottyń sanktsııasymen alý tártibi engizildi.
«Nátıjesinde búgin 2007 jylmen salystyrǵanda sotqa deınigi qamaýǵa otyrǵandardyń sany 2 esege, ıaǵnı, 9500 adamǵa kemidi. Memleketimiz quqyqtyq júıeni izgilendirý, ıaǵnı gýmanızatsııa jolyn tańdady jáne bizdiń bul tájirıbemizdi halyqaralyq sarapshylar alǵa basýshylyq dep qabyldaýda», - dedi Mámı.
