Qazaqstanda sońǵy eki jylda 2 mlrd kVt/saǵat elektr energııasy únemdelgen - Á.Qabylbaı (FOTO)
ASTANA. QazAqparat - Sońǵy eki jylda elimizde 2 mlrd kVt/saǵat elektr energııasy únemdelgen. Jalpy, Qazaqstan jylyna 95 mlrd kVt/saǵat elektr qýatyn tutynady eken. Bul týraly búgin «Energııa únemdeı otyryp jaryqtandyrý: Qazaqstandaǵy jaryqtandyrýdyń problemalary men bolashaǵy» atty halyqaralyq konferentsııa barysynda QR Investıtsııalar jəne damý mınıstrligine qarasty Elektr energetıkasyn damytý jáne energııa únemdeý ınstıtýtynyń basqarýshy dırektory Əlibek Qabylbaı məlim etti.
«Energııa únemdeý saıasaty elimizdiń mańyzdy strategııalyq baǵyttarynyń biri. Keshe bastalǵan turǵyn úı kommýnaldyq sharýashylyq kórmesiniń aıasynda qosymsha jaryqtandyrý məselesi boıynsha jeke konferentsııa ótkizýdi jón kórdik. Sebebi, konferentsııanyń basty taqyryby - tıimdi jaryqtandyrý məselesi men osy baǵytta eń úzdik tehnologııalardy paıdalaný məseleleri. Jalpy, energııa únemdeý baǵytynda jaryqtandyrýdyń áleýeti joǵary. Elimiz jaryqtandyrýdy únemdeý arqyly jalpy energııanyń 70 paıyzyna deıin únemdeı alady. Qazir jańa tehnologııalar baǵytynda jyl saıyn bir jańalyq paıda bolady. Sondyqtan elimizdiń naryǵyn sapasy nashar, tıisti standarttarǵa kelmeıtin jaryqtandyrý tehnologııalaryn shettetip, jańa tehnologııalardyń enýine jaǵdaı jasaımyz», - dep atap ótti ol. Ol sonymen qatar bul baǵytta qurylys standarttary boıynsha kóp jumystar atqarylyp jatqanyn aıtty. Budan ózge, Qazaqstanda «Energııa únemdeý-2020» baǵdarlamasy júzege asyrylýda. Onyń aıasynda toǵyz salada jumys atqarylyp jatyr. Nətıjesi bar, 2008 jylmen salystyrǵanda 2014 jyly elimizdiń energııa únemdeý syıymdylyǵy 18,6 paıyzǵa tómendedi. «Al qansha qarjy únemdeldi desek, ər salanyń kórsetkishi ərtúrli. Mysaly, mekemelerdi nemese kəsiporyndardy alyp qarasaq, qyrýar qarjy únemdelip jatyr. Degenmen, boljammen aıtsam, ónerkəsip salasyndaǵy keıbir kəsiporyndar keminde 500 mln únemdeletin sharalar atqarylǵan bolatyn. Jalpy, sońǵy eki jylda 2 mlrd kVt/saǵat elektr energııasy únemdelgen. Taǵy bir eskere ketetin jaıt, ekonomıka ósken saıyn, halyqtyń sany artqan saıyn jaryqty tutyný da ósetini anyq. Osy rette, tutynýdyń tıimdiligin arttyrý kerek. Jylyna Qazaqstan 95 mlrd kVt/saǵ. elektr qýatyn tutynady», - dedi Ə.Qabylbaı. Esterińizge sala keteıik, Astanada kesheden beri turǵyn úı-kommýnaldy sharýashylyq salasyndaǵy jańa tehnologııalar men tyń jobalardyń kórmesi ótip jatyr.
