Qazaqstanda sońǵy aptada koronavırýs juqtyrý kórsetkishi 2,9 esege ósken
NUR-SULTAN. QazAqparat – Qazaqstanda koronavırýs juqtyrý kórsetkishi 2,9 eege artqan. Bul týraly Sanıtarlyq-epdemıologııalyq baqylaý komıtetiniń resmı ókili Erjan Baıtanaev málim etti, dep habarlaıdy QazAqparat.
Ol keltirgen derekterge qaraǵanda, elde karantın talaptary jeńildetilgennen keıin vaktsınatsııa men revaktsınatsııa qarqyny 2 esege tómendep ketti. Halyqtyń ekpe alýǵa degen belsendiliginiń álsireýi men vırýsqa qarsy kúres sharalaryna salǵyrt qaraýynyń saldarynan sońǵy aptada koronavırýs ınfektsııasy boıynsha aýrýshańdyq kórsetkishteri 2,9 esege joǵarylady.
Epıdemıologııalyq monıtorıng COVID-19 indetine shaldyǵý derekteriniń 80%-ke jýyǵy vırýsqa qarsy ekpe almaǵan jáne sońǵy vaktsınalaýdan keıin 6 aı ótip ketken azamattar úlesinde ekenin kórsetti.
«Bul vaktsınatsııanyń vırýsqa qarsy tıimdiligin dáleldeıtin taǵy bir kórsetkish»,-deıdi resmı ókil.
