Qazaqstanda sońǵy 5 jyldyń ishinde náresteler ólimi 2 esege azaıdy - QR DSM
ASTANA. 25 jeltoqsan. QazAqparat - Búgin QR Densaýlyq saqtaý mınıstri Salıdat Qaıyrbekovanyń tóraǵalyǵymen selektorlyq rejimde ana jáne náresteler ólimin tómendetý boıynsha shuǵyl is-sharalar qabyldaý jónindegi respýblıkalyq shtabtyń otyrysy bolyp ótti. Bul týraly QR Densaýlyq saqtaý mınıstrliginiń baspasóz qyzmetinen habarlady.
Jıynǵa óńirlerdiń densaýlyq saqtaý basqarmalarynyń, Komıtetterdiń aýmaqtyq departamentteriniń jáne respýblıkalyq densaýlyq saqtaý uıymdarynyń jetekshileri qatysty.
Shtab otyrysynda aǵymdaǵy jyldyń 11 aıyndaǵy náresteler ólimine qatysty jaǵdaı qarastyryldy.
Qazaqstanda sońǵy 5 jyldyń ishinde náresteler ólimi 2 esege, al aǵymdaǵy jyldyń 11 aıynda 16% azaıdy. Degenmen, Mınıstr pedıatr jáne akýsher-gınekolog dárigerlerdiń biliktiligin ári qaraı kóterý qajettigine nazar aýdardy.
Salıdat Qaıyrbekova jergilikti jerlerde densaýlyq saqtaý basqarý organdary basshylarynyń jeke jaýapkershiligin arttyrý qajettigin atap kórsetti.
Náresteler ólimine qatysty barlyq materıaldar quqyq qorǵaý organdaryna jiberilgen. Mınıstr Medıtsınalyq jáne farmatsevtıkalyq qyzmetti qadaǵalaý komıtetine balalarǵa medıtsınalyq kómek kórsetý standarttaryn oryndaý barysyna monıtorıng júrgizýdi kúsheıtýdi tapsyrdy.
