Qazaqstanda sońǵy 5 jylda asyl tuqymdy mal basy 10 esege ósti
Bul týraly búgin QR Parlamenti Májilisi Agrarlyq máseleler jónindegi komıtetiniń otyrysynda Aýyl sharýashylyǵy mınıstri Asyljan Mamytbekov málim etti.
«Elimizde asyl tuqymdy jáne etti iri qara mal basy ósip jatyr. Máselen, 2009 jyly elimizdegi asyl tuqymdy etti maldyń úlesi 1,9 paıyzǵa jetpese, búginde bul kórsetkish 14,6 paıyzǵa ósip otyr. ıAǵnı, ósim 10 eseni quraıdy», - dedi ol.
Mınıstrdiń sózine qaraǵanda, asyl tuqymdy mal basy ımport esebinen ǵana emes, sonymen birge el ishinde de maldyń ósip-ónýi arqyly kóbeıip keledi.
«Munymen aınalysý tıimdi bola bastady. Eger, erterekte bizdegi tiri maldyń 1 keli salmaǵy shamamen 400-500 teńgeni qurasa, búginde asyl tuqymdy maldyń tiri salmaqtaǵy 1 kelisi 1500 teńgeni quraıdy jáne bul tıimdi bızneske aınalyp otyr. Adamdar muny túsinip, asyl tuqymdy mal basyn qarqyndy ósire bastady»,- dedi A.Mamytbekov.
