Qazaqstanda sońǵy 3 jylda múgedekke alǵash shyǵý kórsetkishteri eleýli túrde tómendedi
ASTANA. QazAqparat - QR Densaýlyq saqtaý mınıstrligi elimizde sońǵy 3 jylda múgedekke alǵash shyǵý kórsetkishteri eleýli túrde tómendegenin, 2011 jyly 10 myń turǵynǵa shaqqanda bul kórsetkish 28,9-di qurasa, 2013 jyly 28,2-ge teń bolǵanyn atap ótedi.
Bul týraly vedomstvonyń baspasóz qyzmeti habarlady.
Múgedektik tobyna jatatyn azamattar arasynda zeınetaqy jasyndaǵylardyń úlesi artýda. Mundaı jaǵdaı kútilgen ómir súrý uzaqtyǵymen jáne týa bitken aýrýy bar balalar sanynyń erte bastan anyqtalýy artýyna baılanysty bolyp otyr.
Balalar hırýrgııasynyń, sondaı-aq, kardıohırýrgııanyń belsendi damýy nátıjesinde 60 myńnan astam qazaqstandyqtyń ómiri saqtalyp qaldy. Buryndary ol azamattar úshin atalǵan em túrlerin el ishinde alý múmkin emes edi. Tek 2013 jyly 1100-ge tarta balaǵa ota jasalyp, 2012 jylmen salystyrǵanda operatsııalyq belsendilik 1,5 esege artty. Týa bitken damý aýrýlaryna jasalǵan asa kúrdeli operatsııalardan keıin tiri qalý kórsetkishi 83%-ǵa jetti.
Osy oraıda operatsııadan keıin qalpyna kelý tıimdiligi áleýmettik jáne bilim máselelerimen aınalysatyn barlyq qurylymdardyń qyzmetine baılanysty ekenin atap ótý qajet.
