Qazaqstanda skrınıngtik zertteýler tolyq kólemde júrgizilmeýde - N.Petýhova
ASTANA. QazAqparat - Qazaqstanda skrınıngtik zertteýler tolyq kólemde júrgizilmeýde. Bul týraly búgin QR Parlamenti Májilisiniń Áleýmettik-mádenı damý komıteti men «Nur Otan» partııasy fraktsııasy janyndaǵy Áleýmettik keńestiń birlesken otyrysynda depýtat Nadejda Petýhova málim etti.
«Tipti, bizdiń elordamyzdyń ózinde bul jumystar júrgizilip otyrǵan joq. Máselen, qalada emhanalardyń birinen óńesh aýrýlary men asqazan obyryn erte anyqtaýdy júzege asyrý úshin endoskopııalyq zertteýler qalaı júrgiziletindigin suradym. Sóıtsem, emhanada tipti endoskoptyń ózi joq bolyp shyqty», - dedi halyq qalaýlysy.
N.Petýhovanyń aıtýynsha, atalǵan emhana skrınıg júrgizý úshin statsıonarlarmen olardyń qural-jabdyqtaryn paıdalaý týraly kelisimshart jasasady. Demek emhanada qajetti apparattyń bolmaýy sebepti profılaktıkalyq tekserý nemquraıly júrgiziledi. «Sondyqtan da bul skrınıng tolyq kólemde júrgizilip otyrǵan joq», - dep túıindeıdi depýtat.
Onyń atap ótýinshe, kolorektaldy obyrdy anyqtaýǵa ótken jyly 413 mln. teńge bólinip, shamamen 900 myń er adam pen áıel tekserýden ótken. Aýrýǵa shaldyqqandyǵy anyqtalǵandar nebári 336 adamdy qurady. Al bul óz erkimen tekserýge kelip, obyr dertine shaldyqqandyǵy anyqtalǵan adamdardyń 12 paıyzy ǵana.
