Qazaqstanda sıtýatsııalyq daǵdarystyq ortalyqtar jelisi qurylyp jatyr

Maqsaty - tótenshe jaǵdaılar jóninde halyqty der kezinde qulaǵdar etý. Bul týraly búgin Almatyda ótip jatqan Ortalyq Azııa jáne Ońtústik Kavkaz elderiniń apatqa ushyraý qaýpin azaıtý ǵalamdyq baǵdarlamasy boıynsha Óńirlik keńesinde Qazaqstan Respýblıkasy Tótenshe jaǵdaılar mınıstrligi Strategııalyq josparlaý, aqparattyq-taldama jumystary, ǵylym jáne jańa tehnologııalar departamentiniń dırektory Syrym Ǵabbasov málimdedi.

Onyń aıtýynsha turǵyndardy apatty jaǵdaılar týraly der kezinde eskertý úshin senimdi monıtorıng júıesi bolýy qajet. Tek sonyń negizinde aldaǵy kezeńderge durys boljamdar jasalynady.

«Bul úshin, elimizdegi biryńǵaı kezekshilik dıspetcherlik qyzmetter odan ári jetildiriletin bolady. Myna ózderińiz biletin 112 telefon nómiri bar emes pe? Endi ol tek jaı telefon emes, onda endi bútin bir qyzmetkerler quramy jumys isteıtin bolady. ıAǵnı ondaǵy mamandar qaýipti jaǵdaılardy, oryn alýy yqtımal apattardy muqııat qadaǵalaıdy jáne olar týraly turǵyndarǵa der kezinde eskertý jasap otyrady. Al apat oryn ala qalǵan jaǵdaıda, onyń saldaryn barynsha qysqa ýaqytta joıady. Bul qyzmetterdi jetildirýge bıýdjetten jetkilikti qarjy bólinip jatyr».

Esterińizge sala keteıik, qazir QR TJM men eldegi barlyq uıaly telefon opertorlary arasynda arnaıy kelisim jasalynǵan. Ol boıynsha turǵyndar apatty jaǵdaılar týraly tıisti organdardyń nómirlerine tegin SMS habarlama jibere alady.