Sırek kezdesetin janýarlar popýlıatsııasyn qalpyna keltirý qalaı júrip jatyr

ALMATY. KAZINFORM – Qazaqstanda qar barysynyń sany turaqty túrde ósip keledi. Búginde elimizde shamamen 180 ilbis bar. Bul týraly QR Zoologııa ınstıtýtynyń bas ǵylymı qyzmetkeri, QR Qyzyl kitabynyń bas redaktory Roman ıAşenko málim etti.

Onyń aıtýynsha, Almatynyń sımvoldarynyń biri - qar barysyn saqtaýǵa erekshe kóńil bólinedi. Qazir Qazaqstanda olardyń mekendeıtin jerleriniń 70%-ǵa jýyǵy qoryqtardyń qorǵaýynda.

Jabaıy tabıǵatta janýarlardyń minez-qulqyn zertteý jáne baqylaý úshin ǵalymdar fototuzaqtar men spýtnıktik telemetrııany paıdalanady.

– Qazirdiń ózinde 11 qar barysyna spýtnıktik qarǵybaý berildi. Júıeli sharalardyń arqasynda Qazaqstandaǵy qar barysynyń sany 1990-shy jyldardaǵy 80-100 bastan 160-180 basqa deıin ósti, – dep atap ótti Roman ıAşenko.

Sondaı-aq, spıker 2024 jyly Qazaqstanda eki aýqymdy joba - jolbarys pen Prjevalskıı jylqysyn qalpyna keltirý boıynsha belsendi kezeńge ótkenin atap ótti. Tarıhta bul janýarlar el aýmaǵynda mekendegen, biraq tolyǵymen joıylǵan.

Eske salaıyq, osyǵan deıin Zoologııa ınstıtýtyna qarasty qar barysyn baqylaý ortalyǵynyń basshysy Alekseı Grachev ulttyq tabıǵı parkter men qoryqtar atalǵan janýarlar úshin qaýipsiz ekenin aıtqan bolatyn.

Sondaı-aq jańartylǵan «Qyzyl kitap» qandaı janýarlarmen tolyqqany týraly jazǵan edik.