Qazaqstanda syra, motor maıy syndy ónimder tańbalanbaq

ASTANA.KAZINFORM — Saýda jáne ıntegratsııa mınıstriniń buıryǵy negizinde birqatar taýar tizimine ózgerister engizý usynylǵan. Bul týraly vedomstvonyń baspasóz qyzmeti málim etti.

Jańa taýarlar tizimine kelesi taýarlardy qosý josparlanyp otyr:

• Pıvo;

• Motor maılary;

• Jeńil ónerkásip taýarlary;

• Aqbókenniń múıizi

Qujatta kórsetilgendeı, tizimniń jańa taýarlarmen tolyǵýy saýda aınalymynyń ashyqtyǵyn qamtamasyz etýge múmkindik beredi.

Qujat «Ashyq normatıvtik quqyqtyq aktiler» portalynda 8 qazanǵa deıin jarııa talqylaýǵa shyǵaryldy.

Qazirgi ýaqytta Qazaqstanda mindetti túrde tańbalaýdy qajet etetin taýarlar qatarynda temeki ónimderi, aıaq kıim jáne dári-dármekter bar.

Aıta keteıik, buǵan deıin Saýda jáne ıntegratsııa mınıstrligi saýdadaǵy ashyqtyq pen sapa máselesinde tsıfrlyq tańbalaýdyń tıimdiligi artqanyn málimdegen edi.