Qazaqstanda sıntetıkalyq materıaldan jasalǵan balyq aýlaryna tyıym salynady - AShM

ASTANA. QazAqparat - Qazaqstanda sıntetıkalyq materıaldan jasalǵan balyq aýlaryn satý men paıdalanýǵa tyıym salynady. Bul týraly búgin Ortalyq kommýnıkatsııalar qyzmetinde ótken brıfıng barysynda Aýyl sharýashylyǵy vıtse-mınıstri Erlan Nysanbaev málim etti.

«Ókinishke qaraı, bundaı aýlar bazarda bar. Degenmen, qazirgi kúni biz zań júzinde osyǵan tyıym salatyn norma engizgimiz keledi. ıAǵnı, elimizde sıntetıkalyq materıaldardan jasalatyn aýlardy daıyndaý men satýǵa tyıym salynatyn bolady», - dedi E.Nysanbaev.

Onyń sózine qaraǵanda, qazirgi kúni qazaqstandyq zańnamalarda ondaı tyıymdar qarastyrylmaǵan. Al bul balyq sharýashylyǵyna zalalyn tıgizip, balyq ósiminiń kúrt quldyraýyna ákep soqtyryp jatyr.

Aıta keterligi, balyq ınspektorlary óńirlerde osy baǵytta birqatar sharalar atqarýda.

«Máselen, aǵymdaǵy jyldyń kókteminde Іle ózeninde balyq aýlaryn jáne basqa da quraldardan tazartý jumystary júzege asty. Sol boıynsha Іleden 28 shaqyrymdy quraıtyn aýlar alynǵan. Bundaı naýqan barlyq óńirlerde júzege asatyn bolady, al onyń nátıjesi balyq popýlıatsııasynyń saqtalýyna óz septigin tıgizedi», - dedi vıtse-mınıstr.