Qazaqstanda sıyr, qoı jáne jylqy eti óndirisi artty
ASTANA. KAZINFORM — 2026 jyldyń alǵashqy toǵyz aıynyń qorytyndysy boıynsha Qazaqstanda mal sharýashylyǵy ónimderiniń jalpy kólemi 3 trln 226 mlrd teńgeden asty.
Mal sharýashylyǵy elimizdiń agroónerkásiptik keshenindegi negizgi salalardyń biri bolyp qala beredi. 2026 jyldyń alǵashqy toǵyz aıynyń qorytyndysy boıynsha Qazaqstanda mal sharýashylyǵy ónimderiniń jalpy kólemi 3 trln 226 mlrd teńgeden asty. Al naqty kólem ındeksi 103,5%.
Esepti kezeńde elimizde barlyq et túrlerin óndirý kólemi 846,5 myń tonnaǵa jetti. Bul ótken jyldyń sáıkes kezeńimen salystyrǵanda 3,7%-ǵa joǵary.
Sıyr eti óndirisi 301,6 myń tonna. Ótken jyldyń osy kezeńinde bul kórsetkish 282,3 myń tonna bolǵan. Qoı eti óndirisi 88,6 myń tonnadan 91,2 myń tonnaǵa, jylqy eti 115,3 myń tonnadan 119,9 myń tonnaǵa deıin ósti. Qus eti óndirisi de qarqyndy damyp, byltyr 276,1 myń tonna bolsa, qazir 277 myń tonnaǵa jetti.
Aǵymdaǵy jyldyń toǵyz aıynda elimizde 3,04 mln tonna sút óndirildi. Bul ótken jyldyń sáıkes kezeńimen salystyrǵanda 2,1%-ǵa kóp. Al jumyrtqa óndirisi 7,4%-ǵa ósip, 3 659,8 mln danaǵa jetti.
Aýyl sharýashylyǵy janýarlarynyń sany da artyp keledi. Esepti kezeńde iri qara mal sany 8 778,4 myń basqa (103,4%), qoı men eshki sany 22 609,5 myń basqa (102,3%), jylqy sany 4 787 myń basqa (107,3%), túıe sany 311,5 myń basqa (104%) jetti. Qus sany 49,2 mln bolyp, 100,4%-dy kórsetti.
Aıta ketelik mal ónimderin ótkizý tártibi kúsheıtiletini týraly jazǵan edik.
