Qazaqstanda shyndyǵynda halyqtyq daýys berý, halyqtyq saılaý ótýde - ıtalııalyq baıqaýshy
ASTANA. 3 sáýir. QazAqparat /Marlan Jıembaı/ - Qazaqstanda shyndyǵynda halyqtyq daýys berý, halyqtyq saılaý ótýde. Búgin elimizde ótip jatqan QR Prezıdentiniń kezekten tys saılaýyna qatysty búgin elordada ótken brıfıng barysynda Italııa Parlamentiniń depýtaty Djankarlo Matstsýka osyndaı pikir bildirdi.
«Men sizderdegi saılaýdyń merekelik atmosferada, án, bımen ótip jatqandyǵyn baıqadym. Al Italııada bulaı emes. Onda daýys berý barysynda partııalar arasyndaǵy qyrǵyn kúres ótip, ýchaskelerde zor kúshteý oryn alady. Іs júzinde sizderdiń tájirıbelerińiz oń. Tipti, sizderde halyqtyq daýys berý, halyqtyq saılaý ótýde dep aıtýǵa da bolady», - dedi ol.
Áriptesiniń oń pikirine qoldaý bildirgen Italııa delegatsııasynyń taǵy bir ókili Massımo Vanýchchıdiń pikirinshe, saılaý ýchaskeleriniń ishinde de, syrtynda da saılaýshylar tarabyna eshqandaı qysym bolǵan joq. Saılaýdyń barlyq erejeleri saqtalyp, daýys berý qupııalylyǵy, saılaýshylardyń erkin tańdaý quqyqtary qamtamasyz etildi.
«Biz daýys berý protsedýrasy barlyq erejelerge sáıkes ótti dep aıqyn aıta alamyz», - dedi ol.
