Qazaqstanda shylym shegetin oqýshy qyzdar kóbeıip barady - DDSU

ASTANA. QazAqparat - Qazaqstanda temeki shegetin oqýshy qyzdar kóbeıip barady. Bul týraly OKQ-da ótken baspasóz máslıhaty barysynda QR Densaýlyq saqtaý mınıstrligi «Densaýlyq saqtaýdy damytý» Respýblıkalyq ortalyǵynyń bas dırektory Aınur Aıyphanova málim etti, dep habarlaıdy «QazAqparat» HAA tilshisi.

«Dúnıejúzilik densaýlyq saqtaý uıymynyń esebine súıensek, Qazaqstanda temeki men ishimdikke qarsy sharalar júrgizilip jatsa da, durys tamaqtaný men fızıkalyq belsendilik, ıaǵnı densaýlyq saqtaýdyń basty faktoryna durys kóńil bólinbeıdi. Mysaly, Qazaqstanda shamamen árbir ekinshi erkek temeki shegedi (46 paıyz). Al áıelderdiń temeki tartý kórsetkishi 5 paıyz desek te, mektepte joǵary synyptarda oqıtyn 15-17 jastaǵy qyzdar arasynda sońǵy jyldary temeki tartý kórsetkishi artyp barady. Bul jaǵdaı bizdi qatty alańdatady», - deıdi Aınur Aıyphanova.

Іshimdik jaǵynan da Qazaqstanda kórsetkish kóńil qýantarlyq emes. Qazaqstanda áıelderdiń 70 paıyzy múlde ishimdik ishpese, bul kórsetkish erkekterde basym.

Eske sala ketsek, búgin QR Densaýlyq saqtaý mınıstrliginiń Qoǵamdyq densaýlyqty saqtaý saıasaty departamentiniń dırektory Aıjan Esmaǵambetova OKQ-da ótken baspasóz máslıhatynda Qoǵamdyq densaýlyq saqtaý qyzmetin qurý baǵytynda atqarylǵan jumystarmen tanystyrdy. Qoǵamdyq densaýlyq saqtaý qyzmetin qurýdyń maqsaty múddeli taraptardyń kúshterin biriktirý bolyp tabylady.