Qazaqstanda shyǵarylǵan jańa kólikter qanshalyqty ótimdi
ASTANA. QazAqparat - Bıylǵy 11 aıda Qazaqstanda 29 209 avtokólik shyǵaryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly «QazAvtoÓnerkásip» avtokólik salasyndaǵy kásiporyndar odaǵynan málim etti, dep habarlaıdy QazAqparat tilshisi.
Esepti kezeńde Qazaqstanda shyǵarylǵan kólikterdiń jalpy quny 185,1 mlrd teńgege baǵalanyp otyr. Jalpy, jeńil avtomobıl óndirý 87 paıyzǵa ósip, 27 273-ke jetti.
11 aıda Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (11 794 kólik), Hyundai (7 355), KIA (2 426), JAC (1 096) jáne Chevrolet (958) endi. Otandyq kásiporyndar usynatyn markalardyń tiziminde Skoda (738), Ravon (552), Peugeot (150), SsangYong (14) bar ekenin atap ótken jón.
Atalǵan merzimde 3 087 avtomobıldi jeńildikti avtonesıeleý membaǵdarlamasyna qatysqandar satyp aldy.
