Qazaqstanda shyǵarmashylyq pen óner salasyndaǵy qyzmet kólemi 2 ese quldyrady
NUR-SULTAN. QazAqparat - Osy jyldyń І-jartyjyldyǵynda shyǵarmashylyq, óner jáne kóńil kóterý salalaryndaǵy qyzmet kólemi 21,4 mlrd teńgeni qurady. Bul - sońǵy 5 jyldaǵy alǵashqy quldyraý ári ótken jyldyń dál osyndaı kezeńimen salystyrǵanda 16,8 paıyzǵa tómen, dep habarlaıdy QazAqparat tilshisi Finprom.kz resýrsyna silteme jasap.
Qyrkúıekten bastap teatrlarǵa zaldaǵy oryndardyń 50 paıyzyn ǵana toltyryp, 50 adamnan asyrmaı jumys isteýge ruqsat berilgen. Al kınoteatrlardyń jumysyna áli kúnge deıin tyıym salynǵan.
Qazaqstanda shyǵarmashylyq, óner jáne kóńil kóterý salasyndaǵy qyzmet kóleminiń qysqarýy myna úsh óńirde erekshe baıqalady: elorda (-43,5 paıyz), Almaty (-31,5) jáne Atyraý oblysynda (-32,8). Buǵan qosa sektordaǵy qyzmetterdiń jartysynan kóbi atalǵan úsh aımaqqa tıesili.
Qyzmet kólemi boıynsha TOP-3 óńirge Nur-Sultan (5 mlrd teńge), Almaty (4,2 mlrd teńge) jáne Qaraǵandy oblysy (2 mlrd teńge, buǵan qosa atalǵan oblysta elimizdiń óńirleri ishinde qyzmet kólemi 63,4 paıyzǵa ósim kórsetip otyr) kiredi.
Sektordaǵy qyzmet kóleminiń ósimi teatr (202,6 mln teńge nemese 1,9 paıyz ósimmen 10,8 mlrd teńgege deıin) jáne tsırkte (109,3 mln teńge nemese 22,1 paıyz ósimmen 604,9 mln teńgege deıin) tirkelgen.
Qyzmetterdiń eń kóp qysqarýy kórkem jáne ádebı shyǵarmashylyq (3 mlrd teńgege jýyqqa nemese 69,5 paıyzben 1,3 mlrd teńgege deıin), kontsert pen teatr zaldary qyzmeti (968,2 mln teńgege nemese 53,8 paıyzben 832,7 mln teńgege deıin) salalarynda baıqalady.
