Qazaqstanda shujyq, et, sút jáne alkogol ónimderi qymbattady
ASTANA. QazAqparat - Qazaqstanda 2017 jyldyń tamyzynda shujyq, et, sút jáne alkogol ónimderi qymbattady, dep habarlaıdy «QazAqparat» HAA QR Ulttyq ekonomıka mınıstrliginiń baspasóz qyzmetine silteme jasap.
Berilgen aqparatqa sáıkes, ústimizdegi jyldyń tamyz aıynda azyq-túliktiń keıbir túrleriniń baǵasy kóterilgen: shujyq - 1,4 %-ke, qus eti - 1,2 %-ke, sıyr jáne shoshqa eti - 1,1 %-ke, jylqy eti men qoı eti - 0,4 %-ke qymbattaǵan. Sút ónimderiniń baǵasy 1,2 %-ke, al alkogoldi ishimdikterdiń baǵasy 1 %-ke kóterilgen.
Jalpy, azyq-túlik emes taýarlar men aqyly qyzmetterdiń baǵasy bir aıda 0,7 %-ke artqan bolsa, azyq-túlik taýarlarynyń baǵasy 0,9 %-ke tómendegen. Atap aıtqanda, jemis-kókónis ónimderiniń maýsymdyq arzandaýy 9,2 %-ti kórsetken. Bıylǵy jemisterdiń baǵasy 4,4 %-ke, kókónis 13,2 %-ke, kartop 20,4 %-ke arzandaǵan.
Budan tys, arzandaǵan azyq-túlik taýarlarynyń qatarynda usaq qant (2,2 %), qaraqumyq (2,9 %) jáne jumyrtqa (1,5 %) da bar. Bulardyń baǵasynyń tómendeýine sebep retinde mınıstrlik baspasóz qyzmetiniń aqparatynda atalǵan ónimderdiń naryqtaǵy profıtsıti keltiriledi.
Statıstıkalyq málimetterge oraı, tamyzda jyl basyna qaraǵanda 19 áleýmettik mańyzdy azyq-túlik taýarynyń baǵa ındeksi 1,1 %-ti quraǵan. Qazaqstanda tamyz aıynda ınflıatsııa 0,1 %-ti, jyl basynan beri 3,9 %-ti, jyldyq kórsetkish boıynsha 7 %-ti quraǵan.
