Qazaqstanda shubat shyǵaratyn kooperatıv qurylady

ASTANA. QazAqparat - 2018 jyly Qazaqstanda shubat, et, sút jáne bal óndiretin kooperatıvter qurylmaq. Bul týraly búgin Ortalyq kommýnıkatsııalar qyzmetiniń brıfıngisine qatysa otyryp, «QazAgro» Ulttyq basqarýshy holdıngi» AQ-nyń basqarma tóraǵasy Nurlybek Malelov málim etti.

«QazAgro» basshysynyń aıtýynsha, Qazaqstandaǵy kooperatsııalardyń jaqsy tájirıbesi aýyl sharýashylyǵyndaǵy ózge salalarǵa oń yqpalyn tıgizip, endi  sút, et, shubat óndiretin kooperatıvter qurylmaqshy.

«2018 jylǵa deıin  sút, et, shubat, bal, júgeri óndiretin kooperatıvter qurý josparlanyp otyr. Olardy Aýyl sharýashylyǵyna qarjylaı qoldaý kórsetý qory  qoldaıdy»,-dep habarlady N.Málelov.