Qazaqstanda «shoshqa tumaýynan» 1 adam qaıtys boldy
ASTANA. QazAqparat - Qazaqstanda A(N1N1) vırýsynan 1 adam qaıtys boldy. Bul týraly búgin Ortalyq kommýnıkatsııalar qyzmetinde ótken baspasóz máslıxatynda Qazaqstannyń bas sanıtarlyq dárigeri Jandarbek Bekshın málim etti.
«Búgingi tańda A(N1N1) shtamynan («shoshqa tumaýy») 1 adam qaza tapty», - dep atap ótti ol.
Onyń sózi boıynsha, atalmysh oqıǵa dárigerlerge kesh xabarlaýdan oryn aldy.
«Eger dene qyzýy qatty kóterilip, jótel paıda bolsa, ózin-ózi emdeýmen aınalysýdy doǵarý qajet jáne dárigerlerge júginý kerek. Shoshqa tumaýynyń adam aǵzasyna áseri óte qatty, sondyqtan ony qolmen emdeý múmkin emes», - dedi bas sanıtarlyq dáriger.
Aıta ketý kerek, respýblıka aýmaǵynda A(N1N1), A(N3N2) jáne V tumaý vırýstary turaqty aınalymǵa engen. Respýblıkanyń barlyq óńirlerinde tumaý vırýstarynyń zertxanalyq rastalǵan 270 jaǵdaıy tirkelgen.
