Qazaqstanda shóp jáne pishen tek 13-15 paıyz ǵana daıyndalǵan - Aýyl sharýashylyǵy mınıstrligi
ASTANA. 19 shilde. QazAqparat - Qazaqstanda shóp jáne pishen daıyndyǵy tek 13-15 paıyzdyq deńgeıde atqarylǵan.
Bul týraly búgin Astanada «Veterınarlyq qaýipsizdik - Qazaqstannyń mal sharýashylyǵyn turaqty damytýdyń negizi» atty konferentsııada QR Aýyl sharýashylyǵy mınıstri Asyljan Mamytbekov málim etti.
«Biz keshe arnaıy selektorlyq jıyn ótkizdik. Keıbir aımaqtarda shóp jáne pishen daıyndyǵy qajetti kólemnen az, tek 13-15 paıyzdyq deńgeıde atqarylǵan. Soǵan oraı bul jumysty shıratý baǵytynda tıisti tapsyrmalar berildi. Jalpy bul salada problema bar, ásirese jeke sharýashylyqtarda. Fermerlik sharýashylyqtardyń kóbinde byltyrǵy jyldan qalǵan shóp pen pishen qory saqtaýly tur», - dedi A. Mamytbekov.
